Home சிறப்புச் செய்திகள் கோவில் மணி அடிப்பது ஏன்?

கோவில் மணி அடிப்பது ஏன்?

80
0
SHARE

கோவிலுக்கு செல்லும் அனைவரும் ஏன்? எதற்கு? என தெரியாமல் சில விஷயங்களை பின்பற்றுவார்கள் அப்படியான ஒன்று தான் கோவில் மணி அடிப்பது. சில கோவில் மணி அடித்துவிட்டு வணங்கினால் கடவுள் காது கொடுத்து கேட்பார் என நினைத்துக் கொண்டு மணி அடிக்கின்றனர். ஆனால், உண்மை அது அல்ல. பூஜை செய்யும் போது பயன்படுத்தப்படும் ஒரு பொருள் மணி என்பதையும் கடந்து, இதன் பின்னால் ஒரு அறிவியல் நுண்ணறிவும் இருக்கிறது.

ஆகம சாஸ்திரங்களின் படி கோவில் மணியில் இருந்து வெளிப்படும் ஒலி எதிர்மறை சக்திகளை விரட்டி, மனதிற்குள்ளும், உடலிற்குள்ளும் நேர்மறை சக்தியை அதிகரிக்க செய்கிறது. இது, உங்களுள் நல்ல ஆற்றல் பெருக வைக்கிறது .

இதில் இன்னொரு சுவாரஸ்யம் என்ன வென்றால் கோவில் மணியில் மனிதனின் மூளை செயற்திறன் மேலோங்க செய்யும் ஒரு அறிவியல் பின்னணி இருக்கிறது .

கோவில் மணியில் இருந்து வெளிவரும் ஒலியில் ஒரு தனித்துவம் இருக்கிறது அது என்ன வென்றால் கோவில் மணிகள் கேட்மியம், துத்தநாகம், நிக்கல், குரோமியம் மற்றும் மாங்கனீசு போன்ற உலோகங்களால் ஆனவை ஆகும். இதில் இருந்து வெளிவரும் ஒலி மூளையின் வலது மற்றும் இடது பக்கங்களை ஒரு சமநிலைக்கு கொண்டு வர உதவுகின்றன.

கோவில் மணியை அடித்தவுடன், அதிலிருந்து ஒரு கூர்மையான சப்தம் உற்பத்தியாகிறது, இந்த எதிரொலி குறைந்தபட்சம் 10 முதல் 15 வினாடிகள் வரை நீடிக்கும். இந்த எதிரொலியின் காலம், உங்கள் உடலில் உள்ள ஏழு குணப்படுத்தும் மைய புள்ளிகளை செயல்பட வைக்க போதுமான நேரமாகும்.

மேலும், இந்த ஒலி உங்களுள் இருக்கும் எதிர்மறை ஆற்றலை வெளியேற்றியும், உங்கள் கவன குவியல் சக்தியை அதிகரிக்கவும் செய்கிறது.

கோவில் மணி ஒலி, கவன குவியலை மேம்படுத்தி உங்களை விழிப்புடன் இருக்க செய்கிறது. மேலும், மூளையின் செயற்திறனை இதன் மூலம் அதிகரித்து, உங்கள் வேலையில் நேர்மறையாக செயல்பட செய்கிறது. இதனால் மனம் அமைதி அடையும், நிம்மதி பெறும். இவ்வளவு நன்மைகள் இருப்பதால் தான் கோயிலில் மணியை அடிக்கிறார்கள்.