Home தமிழகம் வேலை வாங்கி தருவதாக ரூ.95 லட்சம் மோசடி முன்னாள்அமைச்சர் செந்தில்பாலாஜி முன்ஜாமீன் மனு...

வேலை வாங்கி தருவதாக ரூ.95 லட்சம் மோசடி முன்னாள்அமைச்சர் செந்தில்பாலாஜி முன்ஜாமீன் மனு சென்னை ஐகோர்ட்டில் தாக்கல்

19
0
SHARE

சென்னை, செப். 22& வேலை வாங்கித் தருவதாக ரூ.95 லட்சம் மோசடி செய்ததாக தொடரப்பட்ட வழக்கில் முன்னாள் அமைச்சர் செந்தில் பாலாஜி சென்னை ஐகோர்ட்டில் முன்ஜாமீன் மனு தாக்கல் செய்தார்எம்.எல்.. பதவி தகுதி நீக்கம் செய்யப்பட்ட முன்னாள் அமைச்சர் செந்தில் பாலாஜி, 2011ம் ஆண்டு முதல் 2015ம் ஆண்டு வரை, ஜெயலலிதா அரசில் போக்குவரத்து துறை அமைச்சராக இருந்தார்.

அப்போது 16 பேரிடம் தமிழ்நாடு போக்குவரத்து துறையில் வேலை வாங்கி தருவதாக கூறி 95 லட்சம் பணம் வாங்கி வேலை வாங்கி தராமல் மோசடி செய்துள்ளதாக சென்னை அம்பத்தூரை சேர்ந்த கணேஷ்குமார் புகார் அளித்தார். இந்த புகாரின் பேரில் மத்திய குற்றப்பிரிவு போலீசார், செந்தில் பாலாஜி உள்ளிட்ட 3 பேர் மீது நம்பிக்கை மோசடி, ஏமாற்றுதல், கொலை மிரட்டல் உள்ளிட்ட பிரிவின் கீழ் வழக்கு பதிந்துள்ளனர்.

இந்த வழக்கில் கைது செய்யப்படலாம் என கருதிய செந்தில் பாலாஜி, முன்ஜாமின் வழங்கக்கோரி உயர்நீதிமன்றத்தில் மனு தாக்கல் செய்துள்ளார். அதில் அவர் கூறியிருப்பதாவது:

என் உறவினர் எனக் கூறப்பட்ட பிரபு என்பவரிடம் பணத்தை வசூலித்து கொடுத்ததாக புகாரில் கூறப்பட்டுள்ளது. ஆனால், அந்த நபர் தன் உறவினர் அல்ல புகார்தாரரான கணேஷ் குமாரை நான் சந்தித்ததே இல்லை மேலும் போக்குவரத்துத் துறையின் அனைத்து நியமனங்களும் வேலைவாய்ப்பு அலுவலகங்கள் மூலமே நடத்தப்படுகிறது.

இந்த வழக்கு தொடர்பாக கூர்க் சென்ற சக எம்.எல்..க்களின் வாகனத்தை காவல் துறையினர் வழிமறித்து விசாரித்துள்ளனர். இவ்வழக்கில் என்னை காவல் துறையினர் கைது செய்ய முயன்று வருவதால் முன் ஜாமீன் வழங்க வேண்டும். மேலும், 23 மாதங்களுக்குப் பிறகே இந்த புகார் அளிக்கப்பட்டுள்ளது. இது பொய்யான புகார். இவ்வாறு அதில் கூறப்பட்டுள்ளது. இந்த மனு விரைவில் விசாரணைக்கு வரும்.