Home சிறப்புச் செய்திகள் வீரமாமுனிவர் (கான்ஸ்டன்டைன் ஜோசப் பெஸ்கி)

வீரமாமுனிவர் (கான்ஸ்டன்டைன் ஜோசப் பெஸ்கி)

23
0
SHARE

இத்தாலி நாட்டைச் சேர்ந்த கொண்டல்போ பெஸ்கி & எலிசபெத் அம்மையார் ஆகியோருக்கு 1680& ம் ஆண்டு  மகனாகப் பிறந்தார் கான்ஸ்டன்டைன் ஜோசப் பெஸ்கி. செல்வ செழிப்பு மிக்க குடும்பத்தில் பிறந்த சிறுவன் பெஸ்கிக்கு சிறுவதிலிருந்தே கிருத்துவ மதத் தொண்டு புரிய வேண்டும் என்ற ஆர்வம் எழ, அதன் காரணமாக பாதிரியாராகும் மத போதகப் பள்ளியில் சேர்ந்து பயின்று குரு பட்டம் பெற்றார்.

மத குரு பட்டம் பெற்றதும் கப்பல் மூலம் 1710&ம் ஆண்டு இந்தியாவுக்கு வந்தார். இந்தியாவில்  முதல்

முறையாய் கோவாவை வந்தடைந்த பெஸ்கி, கொச்சி வழியாக அம்பலக்காடு என்னும் இடத்துக்கு வந்தார். மதுரை மாவட்டம்  காம நாயகன்பட்டிக்கு மத போதகம் செய்ய சென்றார்.

அங்கே தமிழ் மக்களோடு நெருங்கிப் பழக நினைத்த பெஸ்கிக்கு தனது பெயர் தடையாக இருப்பதை உணர்ந்து ‘தைரியநாதன்’ என்னும்  பெயரைத் தனக்குத் தானே சூடிக் கொண்டார். பெயர் மாற்றினால் மட்டும் போதாது.

அம்மக்கள் பேசும் மொழியைக் கற்க வேண்டியதும்  அவசியம் என்றுணர்ந்த தைரிய நாதர், ஆர்வத்தின்  காரணமாக விரைவிலேயே தமிழ் மொழியைக் கற்றுக் கொண்டார்.  இலக்கண, இலக்கியங்களை சுப்ரதீபக் கவிராயர் என்பவரிடம் கற்றார்.

அவ்வாறு கற்கையில் தமிழின் வளமையும், செழுமையையும் உணர்ந்த தைரியநாத்கர் தமிழ் மொழியின் பால்  மனத்தைப் பறிகொடுத்தார்.

அப்பொழுது தான் அவருக்கு ‘தைரியநாதர்’ என்பது தமிழ்ப்பெயர் அல்ல என்பது புரிந்தது. அதனால் அந்தப் பெயரை மேலும் தமிழ்படுத்தி ‘வீரமாமுனிவர்’ என்று மாற்றிக்கொண்டார்.

பெயர் மாற்றம், தமிழ் மொழிக் கற்றலோடு பல தமிழ் நூல்களையும் வீரமாமுனிவர் எழுதினார். அவற்றில் கிருத்துவ மதத்தை போற்றும் நூல்களும் அடக்கம்.‘தேம்பாவணி’ சித்தேரியம்மாள் அம்மனை அவற்றுள் அடக்கம். தமிழ்ச் சொற்களுக்குப் பொருள் நிகண்டுகள் அக்காலத்தில் மிகவும் கடினமாக இருந்தன. அவற்றை எளிமைப்படுத்தி 1732& ல் சதுரகாராதி என்ற அகராதி நூலை வெளியிட்டார். அகராதியின் தந்தை வீரமாமுனிவர் என்றும் போற்றப்பட்டார். பல மொழிகளைக் கற்ற வீரமாமுனிவர் தமிழ் இலத்தின் அகராதி, போர்த்துகீசிய & தமிழ் இலத்தின் அகராதி என்னும் இரு நூல்களையும் வெளியிட்டார். ‘பரமாத்ம குரு’ என்ற சிறுவர் நூலும், வேதியர் ஒழுக்கம், ஞானமுணர்தல், வாமன் கதை போன்ற நூல்களும் வீரமானிவரால் எழுதப்பட்டவையாகும்.

தொன்னூல் என்னும் இலக்கண நூலைத் தந்த வீரமாமுனிவர் மேலை நாட்டவரும் தமிழ் இலக்கணத்தைப் படிக்க வேண்டும் என்ற நோக்கத்தில் இலத்தின், ஆங்கில மொழிகளில் தமிழ் இலக்கண நூலகளைப் பற்றி எழுதினார்.

மதத்தைப் பரப்ப வந்தாலும் தமிழின் பால் மனத்தைப் பறி கொடுத்து தமிழை உலகம் போற்ற உயர்த்திய வீரமாமுனிவரின் தொண்டு போற்றுதலுக்குரியது.